2005/Nov/29

สุริยา ค่ำมาแหมแล้ว บ่หันน้องแก้ว แวะเข้ามาหา
นั่งเหงาก๊กง้ก ง่อมงันแต๊หนา เหลียวผ่อเวลา หกโมงแล้วเจ้า
ได้มายะก๋าน เดินยืนนั่งเฝ้า เป๋นก๋านของเฮา ล้อนล้อน

นั่งอยู่คนเดียว บ่มีคู่ซ้อน ตึงขอยเปิ้นอั้น มีแฟน
คงมีสุขล้ำ เปิ้นเดินควงแขน กู้เช้ากู้แลง ม่วนงันบ่หน้อย
ถามหาคำหญิง แม่หงส์คอสร้อย ไผจะฮักเฮา ปี้น้อย

เป๋นดีหมองดาย นั่งเหงาซ้อยล้อย อากาศก็เริ่ม เย็นลง
มนุษย์โลกนี้ อยู่ในเขตโขง เกิดมาเป๋นคน เดินดินว่าอั้น
คนที่มีคู่ มีหลายบ่กั้น คนที่บ่มี ก็นัก

เนื้อคู่ของเฮา บ่เกิดแต๊ตั๊ก ยังบ่หันหน้า ซักกำ
จะมีไผนั้น สะหลดสะหลำ เป๋นคู่อ้ายคำ คนดำอย่างอ้าย
บ่ร่ำบ่รวย เป๋นคนต่ำใต้ แต่ว่าใจ๋ดี เช่นล้ำ

แม่ญิงคนใด จะมาช่วยก๊ำ กำลังนั่งถ้า ผ่อกอย
เปิ้นมีคนฮัก ก็เป๋นดีขอย อ้ายศรีดำมอย ง่อมเหงาเสี้ยงถ้าน
เนื้อคู่ของเฮา อยู่ไหนว่าอั้น กรุงเทพกรุงไทย ไกล๋นัก

หรืออยู่อีสาน เจ้าจี๋ดอกรัก กาว่าภาคใต้ นารี
ถ้าได้ปะแล้ว ก็ตึงบ่หนี อยู่กับคนดี บ่มีเปลี่ยนได้
หรือยู่เมืองไกล๋ อเมริกาใต้ เมืองเยอรมัน แต๊นั้น

จะขอผ่อกอย อี่นายน้องจั๊น สักวันคงได้ ปะนาย
ถ้าว่าแม่นแต๊ อ้ายดีใจ๋หลาย จะถ้าอี่นาย คนดีเน่อเจ้า
จะเอาใจญิง ป้อนน้ำป้อนข้าว กู้เช้ากู้แลง บ่พัก

Comment

Comment:

Tweet


โว้
โอมาย
โอ้มาย
..โอ้ว
เพลงหายากค่ะ
#4 by ..ศลิง At 2006-02-18 21:52,
อู้คำเมืองอ่านะ....น้องเมย์
งงนิดหน่อยค่ะ....
#3 by พี่จอย (61.90.75.192) At 2006-01-30 00:11,
....คนอิสานเยี่ยงผมยังอ่านยากเลยเด้ออ
#2 by เอกน้อย At 2005-12-29 03:46,
จะหาได้มั่งบ่น๊อ